ملف كاااااااامل للعناية بالشفايف بالصور **

السلام عليكم ورحمة الله وبركاته


الكل بيعاني من مشاكل بتخص الشفايف
الشفايف المشققة و غيرها وهادي مجموعة
حلول يمكن تساعد كتير من الاشخاص بأنو يحلوا مشاكلهم....

معانا خمس مشاكل وهنشوف حلهم

المشكلة الأولى
تشقق الشفايف



لو كنتِ بتشتكي من إن شفايفك مشققة،
وإن شكل الروج فيها مش حلو،
يبقى لازم تبدئي تهتمي بشفايفك وتعالجيها من التشققات دي

عن طريق:




1- إنك تدهني شفايفك كل يوم بعسل نحل لمدة ربع ساعة وبعد كده تبدئي إنك تفركيها بشويش بصباعك.



2- أو إنك قبل ما تنامي تحطي فازلين عليها وتقومي الصبح تغسليها.



3- كمان ياريت إنك تحطي كل يوم بالليل على شفايفك زبدة كاكاو


المشكلة التانية

الشفايف الحساسة



في ناس شفايفها بتكون حساسة شوية من بعض أنواع الروج،
يعني بتحس بحرقان بعد ما تحط الروج

ودي حلها..
إنك تبعدي تماما عن الأنواع اللي بتحتوي على مواد معطرة،
وياريت إنك كمان تحطي طبقة من الفازلين قبل ما تحطي الروج.
أو زبدة كاكاو بيضاء على شفايفك، وبعد كده تحطي الروج.

المشكلة الثالثة

الشفايف الصغيرة والكبيرة
فيه ناس شفايفها صغيرة قوي لدرجة إنها مش بينفع تحط روج،
وفيه ناس تانية شفايفها كبيرة قوي لدرجة إنها مش بتقدر تحط روج برضه؛
لأنه بيدي ليها حجم أكبر من حجمها الطبيعي

والحل هنا

بيكون في طريقة تحديد الشفايف ولون الروج..

يعني مثلا..

• بالنسبة للشفايف الصغيرة الرفيعة


لو عايزة تديها حجم أكبر
يبقى هاتي قلم التحديد وارسمي خط يخرج بقليل عن الحدود الطبيعية للشفايف،
وبعد كده حطي الروج وفوقيه "الجلوس- ملمع الشفايف"،
وده لأن "الجلوس" بيدي إحساس باتساع وكبر الشفايف.
كمان اختاري ألوان الروج الفاتحة، واللي فيها لمعة زي اللون الوردي؛ لأن الفواتح بتدي إيحاء بالاتساع.

• بالنسبة للشفايف الكبيرة العريضة



هتلاقي أنسب حاجة إنك تستخدمي الألوان الغامقة أو الألوان اللي بين الغامقة والفاتحة،
والألوان المطفية اللي مافيش فيها لمعة.
كمان
حطي الروج داخل حدود الشفايف وما تحاوليش إنك تخرجي خارج نطاق الشفايف.
يفضل عدم استخدام قلم تحديد ولو عايزة تستخدميه يبقى ياريت يكون لونه نفس لون الروج،
ويكون التحديد على نفس خط الشفايف.

المشكلة الرابعه

التصاق أحمر الشفاه بالأسنان



دي مشكلة ممكن إنك تتعرضي ليها لما تكوني حاطة روج غامق وتضحكي فهتلاقي إن الروج التصق بأسنانك،

أكيد بيكون المنظر مش ظريف خالص

وعلشان ماتتعرضيش للموقف ده

كل اللي عليكِ إنك بعد ما تحطي الروج
إنك تعضي على إصبعك بشفتيك لتتخلصي من اللون العالق بالمنطقة الداخلية من الشفاه.
أو إنك تضغطي بشفتيك على منديل ورق علشان تشيلي اللون الزيادة.


المشكلة الخامسة

لو احمر الشفايف بيسيح




والمشكلة دي بالذات بتواجه أصحاب البشرة الدهنية،
وهي إنهم ساعات كتير قوي بيشتكوا من إن الروج بيسيح حوالين شفايفهم بعد وضعه خاصة في الصيف...

وحلها

إنك تحددي شفايفك كويس بقلم التحديد
وبعد كده حطي الروج وطبقة من البودرة الخفيفة على الشفتين
وإن شاء الله مش هيسيح

Posted in: ميكس