طريقة تصوير الشاشة و قص جزء منها من الألف إلى اليا

إزيكم النهاردة جايبة لكم طريقة سهلة فى تصوير اى نافذة او صورة موجودة أمامك على شاشة الكمبيوتر اتفضلوا الشرح
1- افتحى النافذة اللى عايزة تصوريهاو اضغطى مفتاح print screen
اما لو كنتى بتشتغلى من اللاب توب هتضغطى مفتاحين Fn + prt scr فى نفس الوقت

2- افتحى برنامج الرسام paint
3- من قايمة edit اختارى paste هتلاقى صورة الشاشة اتلصقت فى البرنامج
4- من قايمة Edit اختارى clear selection علشان تحذفى التحديد من على الصورة
النقطة 4 ممكن مش نعملها او نستخدم بدلا منها :
الضغط على النجمة المنقطة ثم نضغط على المربع المنقط ونكمل الخطوات من رقم 5
5- اضغطى على الاداة المحددة كما بالصورة ( وهى احدى أدوات التحديد )
6- اضغطى على الجزء اللى عايزة تحدديه واسحبى الماوس أثناء الضغط لغاية ما ترسمى مربع منقط حوله
7- اضغطى يمين على الجزء اللى حددتيه واختارى cut
8- افتحى قايمة File واختارى new هتظهرلك رسالة للحفظ اضغطى no
9- هيفتحلك صفحة فارغة اضغطى منها Edit واختارى paste
10- علشان تصغرى حجم الصفحة لتكون بنفس مقاس الصورة
انظرى فى الاماكن المشار اليها بالأسهم
هتلاقى مربعات صغيرة جدا لو وقفتى على اى مربع منهم هيظهرلك سهم برأسين اضغطى عليه مع السحب للداخل للتصغير
11- احفظى الصورة بالطريقة دىمن فوق هتختارى مكان الحفظ
ثم اكتبى الاسم المراد الحفظ به
واختارى النوع اللى تحته زى ما انا مختارة كدة علشان تقدرى ترفعيه على المنتدى
واضغطى زر Save للحفظ
أتمنى يكون الشرح واضح
منتظرة رأيكم والتقييم يا قمرات

Posted in: ميكس